lunes, 24 de diciembre de 2012

¡FELIZ NAVIDÁ A TOOS Y TOES!

Espero que lo paséis per bien estes Navidáes con toos los vuestros familiares. ¡Felices fiestes!


viernes, 14 de diciembre de 2012

DECISIÓN

El mundiu taba sordu a les povises del desencantu, a les migayees de la traxedia. Una caxera de supermercáu, una xofer de bus - ¡nun da más! - redimíen el so pecáu de ser muyeres recibiendo salarios inxustos nun universu fechu con dimensiones masculines.
Aquella rapaza anónima, d'uniforme de tonos buxos y güeyos d'océanu. sintió que la esplotación diaria diba calistrado metales el so corazón. Foi cuando tomó la decisión. Viérala escrita no más fondero del so ser. Depués de muncha vida secuestrada, arrincó la so bata de trabayu y aventóla lloñe. Dexó atrás la so esclavitú y surdió afuera, a recibir la lluz na so tiez. Entos sintió que yera muyer, que taba viva.

(Miguel Solís Santos)

VIESCA

Ella sabíalo de sobra, que na viesca había llobos. Cómo nun diba sabelo. Eses coses, les madres sábenles. Y yo diba y venía y ella quedaba en casa, esperadndo por mio pa, pero nunca una palabra me preguntó, de nada. Y yo a la que-y lo contaba yera a mio güela, eso sí. Les tonteriúques y too eso. Pero dicíame ella que, total, merecíame a gracia, l'otru día. Y llevéla e coche hasta ellí, por dar un paseúcu. Por sacala. Que debe ser la primera vez na vida que quier venir conmigo a nengún llau, nin dir al médicu, siquiera. ¿Y cuánto habrá, a La Cerezal? ¿Cuatro? ¿Cinco kilómetros? Nun llega. Date cuenta. Pero tábamo ellí les dos sentaes a la puerta, naquel silenciu, y nesto va y diz ella, mirando así pal camín, como p'allá alantrono:
- Nena... Por eso, que grande ye' l mundu, eh...

(Monstserrat Garnacho)

viernes, 7 de diciembre de 2012

La pongueta (Felpeyu)

Pela baxada a Sellañu
dibes dexando la vida
pendirriba pendibaxo,
goxes, macones y paxos
de Cazu pa Les Arriondes.
Pela baxada a Sellau,
nun requexu, Ponga entero,
pendirriba pendibaxo,
el to saber na to fala
y un fardaxáu de llamentos.
Nun sé que viera nes sayes
que de nenu m'envolvieran:
señardá, besos y ciñu,
mimos, calor y conciencia.
Faigo por vete
peles calles, nos lletreros
y na fala de los vieyos.
Faen por borrate
de los mios güeyos y manes,
peru nun son quien a ello.
Pelos requexos de Ponga
yá nun pasa la goxera
pendirriba pendibaxo,
el so saber ya reposa
camín de que s'escaeza.
Dende'l Suanciu, Ponga entero 
ye foriato en casa d'ella,
pendirriba pendibaxo,
colos nomes camudaos
en daqué fala estranxera.
Nun sé lo que deben ver
que-yos dan mieu los palabres
a los que tienen el filu
del to resuellu nes manes.
Faigo por vete
peles calles, nos lletreros
y na fala de los vieyos.
Faen por borrate
de los mios güeyos y manes,
pero nun son quien a ello.
Naguo por vete
peles calles, nos lletreros
y na fala de los vieyos.
Faen por borrate
de los mios güeyos y manes,
pero nun son quien a ello.

lunes, 3 de diciembre de 2012

Una de mieu (Xentiquina)


Esnala que t'esnala
va un esperteyu,
salió de la ventana
d’aquel castiellu.

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Rellámpagos a esgaya
vense nel cielu,
qu'allumen venti bruxes
en plenu vuelu.

miércoles, 28 de noviembre de 2012

Programa de Sones

Equí vos pongo una parte del programa de Sones de la TPA nel que canta toná asturiana un antiguu alumnu del IES VIRGEN DE COVADONGA. ¡Espero que vos preste!

http://www.youtube.com/watch?v=M_hIsvi0g-Q&feature=youtu.be

viernes, 16 de noviembre de 2012

Nun blinquen ayalgues

Equi vos pongo la reseña del segundu capítulu d'esti llibru propiamente dichu.Titúlase "Pasando a morrillazos".

Nesta hestoria' l guahe (protagonista del anterior rellatu) foi d' escursión cola asociación de vecinos y tolos sos collacios. Pasaron tol día xuntos na playa. Dempués de comer, la madre de Quinos (collaciu del protagonista), que taba'l cargu de tolos neños que diben sin madre, díxo-yos que alquilaran una caña y punxeronse a pescar, pero Tino (protagonista) quedo ensin caña. Ocurrióse-y pescar a morrillazos y salió flotando un calamar xigante, eso emocionó a tol mundu. Al final, súpose que'l calamarón yera una persona disfrazá, que taba grabando un anunciu y gracies a Tino morrió afogáu.

De folixa en folixa

Equi vos pongo el vidiu de "Folixa en Folixa" del Día d'Asturies. Creo que amás de divertise un tiempu pues aprender diverses coses de la cultura asturiana.

http://www.rtpa.es/programa:De%20folixa%20en%20folixa_1337344832.html

¡Espero que vos preste!

Nun blinquen ayalgues

Equi voi facevos una reseña de lo que trata el primer capítulu d'esti llibru escritu por Pablo Rodríguez Medina. Esti capitulu titúlase al igual que'l llibru.

Esti rellatu trata d'un guah.e que-y gustaben muncho les aventures y un día xugando con un collaciu atoparon restos d'un cadaver.
Tol pueblu salió a la cai pa saber quién yera aquel muertu qu'habíen topáo los guah.es. Finalmente, descubriose qu'aquello nun yera un cadáver real, sinón un cadáver qu'usara el fiu d'un vecín qu'había tao estudiando melicina y al pa dábai resquizu tenelu'n casa.

Valoración personal.
Esti rellatín prestome muncho, sobre to la forma na que'l escritor cuenta tolos socesos que pasen. Amás los guah.es protagonistes d'esta estoria son mui prestosos y mui tratos.
Tras lleer esti rellatu, que aparte de diversión cuntalo tamién con intriga recomiendo-ylu a to aquel que-y preste l'Asturianu y guste-y lleer.En una escala del 1 al 10 pongo-y un 10.

lunes, 12 de noviembre de 2012

Asturies


Vivo onde se diz: “Yes bobu”. Onde se comen les fabes, el pote, los bollos preñaos, l’arroz con lleche, les casadielles, los fayuelos… Onde se bebe la sidra y los cacharros a tresvertir… Onde los amigos dicente: “Si nun pues, dilo” Onde anque te frío nun nos perdamos una, onde les fiestes de prau son de patrimonio nacional, onde el: “ yes un hijo de puta” ye de lo más cariñoso que pue dicise. Onde pa celebrar dalgo ¡nun se tiren petardos, tírense volaores! Nací n’Asturies! 


viernes, 9 de noviembre de 2012

¡Un bon chiste!

Un home casáu llama a un mélicu:

- ¡Doctor, doctor! La mio muyer ta a puntu de tener un guah.e.
-¿Ye el so primer fiyu?
- Non, ¡soi el so home!






La mio mozuca (Melendi)

Quiero volver pa respirar
y pa dicite que tas siempre xunto a min
el mio caminar nun acaba equí
porque sé yo que na mio tierra voi morrer
y canta-y a la mio xente coles gaites retumbando
y les estrelles
cayendo nes teyes
como roba'l corazón esta mozuca que se baña nel Nalón
llámase Asturies.

Quiero sintir el to despertar
echote de menos tanto que podría llorar
pue qu'asina llegue a espresar
tolo que siento pola mio xente y'l mio llugar
y baillar un xiringüelu cola lluna
y nel túnel del Negrón
izar la bandera
y na cruz los anxelinos
beben sidra y brinden por una rexón
llámase Asturies.

Y canta-y a la mio xente coles gaites retumbando
y les estrelles
cayendo nes teyes
como roba'l corazón esta mozuca que se baña nel Nalón
llámase Asturies.

Pue que'l tiempu enllamuergue los tos caminos
pue que'l sol enxamás se dexe ver
pero al salir del vientre de mio má
fuisti tú la qu' a mi me vio crecer
pue que'l tiempu enllamuergue los tos caminos
pue que'l sol enxamás se dexe ver
pero al salir del vientre de mio má
fuisti tu la qu'a mi me vio crecer.

Vuelvo a poner equí el videu de la cancion de "La mio mozuca" de Melendi cola lletra n'Asturianu por si dalgún la quier cantar a la vez que'l cantante.


miércoles, 7 de noviembre de 2012

De folixa en folixa (SMRA)

Esti ye el programa "De folixa en folixa" y n'esti vidiu apaecen munches coses rellacionáes col conceyu de San Martín del Rei Aureliu. Déxobos aqui el link, ¡espero que vos preste! 

lunes, 29 de octubre de 2012
















Patria

Sentíte falar con señaldá
de la tierra que nun tienes,
de la neñez perdida.

Yo, llonxana,
como siempre,
nun acertaba a falar:
pensaba que, si la patria ye un temblor,
tu yes munches,
munches veces,
patria mía.

Ana Vanessa Gutiérrez

Comiquísimo




Viaxe

De la infancia d'esta lliz
apaño l'aire nel que escribo.
Dexáme recobrar l'alcordanza
del nome de l'agua del río.

Antón García

sábado, 27 de octubre de 2012

El chigre, el mito del rumanito


El chigre de Món, Cabra y carbón

Esti vidiu reflexa l'humor asturianu.


Escanciando

N'Asturies somos tan aficionáos a la sidra, qu' hasta escanciamos la lleche nel desayunu.


No dudaría (Versión asturiana)

¡¡Esti vidiu ye mui prestosu!!


Voy pa Morcín

Un vidiu buenísimu con Alberto (presentador de Folixa en Folixa).


Compañeru dame tira (Nuberu)


Ser Asturianu (Nuberu)


Hasta Popeye canta n'Asturianu


viernes, 26 de octubre de 2012

¿No bajamos o si subimos?


Anda Asturies dividida entre el NO BAJAMOS y el SI SUBIMOS. Entre el SPORTING y el OVIEDO. La rivalidad futbolística hace que nos no de tiempo a pensar en nimiedades como el paro, la crisis o la verguenza de políticos que nos ha tocado sufrir. Y es que a los asturianos solo nos interesen les coses importantes, coño. Como el fútbol. CONVERSACIÓN SPORTING-OVIEDO:

SPORTINGUISTA: Gallu, ¿que os pasó contra el Tenerife el finde? ¡jajaja!

OVIEDISTA: Por lo menos nosotros no amañamos partidos, finu…

SPORTINGUISTA: Oye, ¿comprasteis cohete ya? porque ye de la única forma que vais ascender, ¿EH?
OVIEDISTA: No, lo que compré fue una buena canoa. Pa facer el Descenso del Sella y el del Sporting juntos. ¿Que te parez?
SPORTINGUISTA: Pues que mires a ver si no te desciende una hostia en esa napia tan fea que tienes…
OVIEDISTA: Campeón, pa pegame tú con la nariz que te cuelga de la cara tienes que tomar mucho cola-cao…
SPORTINGUISTA: Buenos, vamos relajanos. Que no quiero disgustar a mama. Pero si no fueras el mi hermanu te calzaba un bofetón guapu. Feo de los cojones.
OVIEDISTA: Somos hermanos gemelos, nardo. O sea que si yo soy feo…
SPORTINGUISTA: Vale, lo siento. Pero que baje el SPORTING ye lo que mas me jode en esti mundo. No se me ocurre nada peor, Gelio.
OVIEDISTA: Joder, que me vas a contar a mi. Que tengo al OVIEDO EN 2ªB y no subimos ni pa dios. Eso si que ye malo, gallu…
SPORTINGUISTA: Oye, avanza. Que parez que se mueve la cola, ¿no?
OVIEDISTA: ¡Meca, ye verdad! Ostia, a ver si hoy van danos trabajo aquí en el INEM. Porque normalmente suele haber solo 1.000 persones en la cola y hoy solo veo 999. ¡Igual bajó el paro!
SPORTINGUISTA: NO. Ye que murió Paco. El fiu de Carmina.
OVIEDISTA: ¿De que equipo era?
SPORTINGUISTA: Nah, no-y gustaba el fútbol.
OVIEDISTA: Pues entos que se joda.
SPORTINGUISTA: JAJAJA. ¡Eso!
OVIEDISTA: ¡SI SUBIMOSSSSSS!
SPORTINGUISTA: ¡NO BAJAMOSSSSSS!

Hassim

Llamábase Hassim Abderraman, de la parte d'Ashir,
un palmeral qu'atopes al pie d'esa montaña que-y llamen
Al Kasar. De neñu llindiaba la reciella de la casa ente les peñes y
nes nueches de fríu suañaba con caballos a galope y gaceles
blanques. Tamién en monte deprendiera'l sabor del lleche de la cabra.
Cuando lu conocí, esperaba con otros, nuna playa de Tánxer.
Llamabase Hassim, y el so nome sabía yá entós al sal
de la derrota.

Berta Piñán

Lección de gramática

¿Cómo se diz uolof la palabra frontera, la palabra
patria? ¿Y en sonike? ¿Cómo-y llamáis al desamparu?
Si queréis dicir en bereber, por exemplu, "yo tuvi una casa
nun arrabal de Rabat" ¿ponéis nesti orde la frase? ¿Cómo
se conxuguen en bambara los verbos que lleven al norte,
qué axetivos-y cuadren a la palabra mar, a la palabra muerte?
¿Cómo se pronuncia en diakhanké la palabra exiliu? ¿Hay que
xuntar los llabios? ¿Duelen? ¿Qué pronombres usáis pal qu'espera
na playa, pal que regresa ensin nada? Cuando señaláis p'allá, pa contra
casa, que alverbiu escoyéis? ¿Cómo se diz na vuestra, na vesa llingua
la palabra futuru?

Berta Piñán

Folixa en folixa (Festival de la sidra en Nava)


miércoles, 24 de octubre de 2012

Piragües olímpiques


Yeren los xuegus olímpicos y la final de la prueba de piragües.
La xente taba nun puente y les piragües pasaben por baxo.
En esu llega'l primeru y dicen-y los que taben arriba:
 - ¡Cabrón! ¡Hijo de puta!
Los de abaxo miren extrañaos y siguen.
Llega'l siguiente y dicen-y los de arriba:
 - ¡Cabrón! ¡Hijo de puta!
Y los de abaxo miren asustaos y siguen.
Y llega'l terceru y dicen-y los de arriba:
 - ¡Cabrón! ¡Hijo de puta!
 Y contesta el de abaxo: - ¡Tu puta madre!
 Y dicen los de arriba:
¡Esti ye!
¡¡¡¡ASTURIES!!!!, ¡¡¡¡ASTURIES!!!!

Va a Venus



Dos asturianos tan mirando al cielu. Un diz:
- Mira esi cohete. Va pa Venus.
Y l'otru respuende:
- Pos vamos escondenus.

lunes, 22 de octubre de 2012

Mariposa nocturna

Al rellumiu de la llámpara, mientres lleo,
acuden, al avance, un exércitu d'insectos:
formigues analones, batallones de mosques,
escuadres diminutes de mosquitos
y ente'l ruxir constante y la batalla
una pequeña mariposa blanca
imprudente y extraña, como un platu
de lleche en mitá de la nueche, dibuxa
nel aire, alredor míu, círculos concéntricos.
Yo, col llibru abiertu ente les manes,
soi agora'l so nuevu planeta y ellos
los mios astros diminutos,
constelaciones n'incesante movimientu.
Por supuesto nun saben de Virxilio
nin los clásicos y lo mesmo-yos da
esnalar perriba'l meyor Shekespeare
que sobre'l peor de los poetes.

(Berta Piñán)

Pa otros

Pa otros l'aventura, los viaxes, l'anchor
del océanu, Roma ardiendo y les pirámides,
les selves indomables, la lluz de los desiertos,
los templos y el rostru de la diosa. Pa ellos
rascacielos y ciudas, palacios del suañu
contra'l tiempu, la sonrisa de Buda, les torres
de Babel, los acueductos, la industria incesante
del home y los sos afanes.

A min dexáime la solombra difusa del carbayu,
la lluz dalgunos díes de seronda, la musica callada
de la nieve, el so cayer incesante na memoria,
dexáime les zreces na boca cuando nena, la voz
de los amigos, la voz del ríu y esta casa, dalgunos llibros,
pocos, la mio mano dibuxando, a modo, la curvatura
perfecta del to llombu.

(Berta Piñán)

domingo, 21 de octubre de 2012

Mineros d'Asturies (Anabel Santiago)

Esti vidiu tien semeyes de la minería asturiana, ye mui orixinal y amás realista. Pue caete alguna llagrimina cuando lu veas.


sábado, 20 de octubre de 2012

Gran verdá


Prestosísimo


Los problemes d'Asturies



Si quies morrer sin saber de qué mal, 
bebe agua al dite a acostar.

Asturies (Victor Manuel)


Canciu de la nuesa tierra... ¡Presta tener coses nueses!

 

Santa Bárbara Bendita (Nuberu)

Una canciu que ye nuesu...


¡Mui cómico!

Esti vidiu tien tola razón del mundu.


ASTURIES, LA MIO MOZUCA (Melendi)

A ver quién pue escuchala sin respigase enteru.


viernes, 19 de octubre de 2012

Llastres



Chatarrona 3

De xuru que vos presto ver los vidios y querieis saber lo que diba pasar nel siguiente. Pues esti ye'l final.




Chatarrona 2

Bono, por si daquién vio el primer vidiu que ye mui prestosu aqui tenéis el segundu.

Chatarrona 1

Esto ye una webserie de tres capitulinos que vos recomendamos porque ye mui prestosa y reflexa la vida diaría n'Asturies. Amás tien el nuesu típicu humor irónicu.

San Antolín de Beón




Qué extraña, absurda materia la poesía:
desvela con esmeru les tenebres del alma
y nun acierta a falar del color exactu
que'l mar dexa esta tarde nos tos güeyos

(Berta Piñán)

sábado, 13 de octubre de 2012

Una lleenda...


Según diz la estoria, Adán xintó una mazana,
y dalgo tenía que tener pa "morder con tanta gana".
¡Qué coses más rares pasen! y por ehí podría entamar,
que los asturianos pensasen, si se podría mayar.
Empezaron a mayar, pa ver lo que salía
y cuando fueron a probalo yera sidra de categoría.
Pues nin el Whisky escocés, nin la coca americana,
se puen comparar a la sidra asturiana.
Dando una vuelta per Asturies, gueyando los pomares,
entámase a tragar saliva, pensando en los llagares.
Y cuando tás nel llagar, viendo aquel chorru caer,
¡Ay Santina de Covadonga! ¡ Quién pudiera volver a nacer !.
Que la sidra seya de Nava o que seya de Villaviciosa,
pa facer una folixa, nun hai bebida más sabrosa.
Un mozu muy gayasperu, dicía nuna sidrería:
"Yo, cuando tenga que morrime, que seya con allegría".
L'allegría d'esti mozu, ye fácil d' aldovinar, quier tar bebiendo
sidra, cuando tenga que colar.
Y con éstes cinco pallabres, vamos a finar
ésta pequeña estoria:

¡D' ASTURIES Y LA SO POMAR!