Dime, amor míu, que me quies más
qu'a naide, si lo sientes, y que nunca
a otra seguirás, aunque la mesma
Naomi te lo pidiera. Nun dexes
constancia nel papel de lo que digas.
Que yo fairé por ti como'l poeta:
Les tos palabres nun rabión del agua
rápido y nel aire he d'escribiles.
Nun vaya ser qu'un día, ente les páxines
d'un llibru, l'alcordanza me desieste
y me traiga de baldre a la memoria
el mudable xacíu de la vida.
(Taresa Fernández Lorences)
No hay comentarios:
Publicar un comentario