La casa de mio padre

Defendería
la casa de mio padre
contra los llobos
contra la justicia
contra la usura.
Perdería la facienda
y el monte si pudiera
defendiendo la casa de mio padre
coles manes
(que más arma nun tengo
que la pluma).
En quitándome les manes,
colos brazos,
col sangre
y cola vida
defendería la casa de mio padre.
Y morrería,
perdería l’alma
perdería’l mio fruxe
pero de pies
la casa de mio padre
seguiría.
Defendería
la casa de mio padre
anque fuera una casa-barata
fecha con usura,
una colomina
qu’un chamizu ha argayar.
Defendería
la casa de mio padre
de nun ser que padre la vendió
pa que yo fuera
dalgo pela vida.

(Antón García)